أنا بعزم الرئيس

أنا بحب ربنا  ، وبحب أكتب الروايات والقصص ، وبحب التواضع اللى ظهر فى صورة الريس مع الناس الغلابة قاعد يشاركهم أكلهم حتى لو كان ألاكل من عنده و الترابيزة ولا المية المعدنية ، السادات كان متربى على الطبلية علشان كده كان ممكن يلبس الجلابية البلدى ويقعد معاهم وياكل أكلهم ، لكن الريس معذور دا طبيعى ، والأيام مش بترجع لورا ، ومش كل الناس اللى تعرف تجامل ، لكن بحب كمان أهمس بس علشان مقدرش أزعق ،  أنا ممكن أوافق على الصبر سنين لو فى نهاية للجشع ، وممكن أصبر على الفقر لو فيه باب حيتفتح ،  بس مطولش مرت سنين كتير ، ومن خلال مدونتى انا بعزمك يا ريس ويا ريت تقبل والأكل من عندى من خير البلد دى مهما تعبنا فيها .