يومى صعب

قصتى النهاردة صعبة يمكن مش لوحدى بعانى منها الايام دى ، لكنى حاسة أنى لوحدى فى الكون ، كل الاماكن اللى تخطر على بالى فاضية من البشر ، اللى اتحولو بقدرة قادر لغيلان ، زى بالظبط أفلام الزومبى ، انا لوحدى مش خايفة لكنى قلقلانة ، مش منهم ، هما ماشين فى حالهم تايهين زى ، واضح ان الحالة شملتهم ، حالة اللى وعى بالجوار ، بما يحيط بك من كل الإتجاهات ، ثورة مطفية جوه القلوب ، وعقول اتخربت تاهت وسط الزحام ، وكل ما تحاول تفوق تنضرب على النافوخ ، يورم يسكت واحيانا يموت ، قصتى النهاردة حالة جنون ، حالة شجن ، حالة وصفها صعب لكن حساها بتضيق علىّ الكون ، رغم البراح اللى حوالى ، صالة واسعة ، فضاء اليكترونى مفتوح ، مطر بيغسل هموم الشجر وبردو حاسة بالضيق ، ومس قادرة أفسره .