الستات اول يوم العيد مهدودى الحيل ليه بقى علشان من قبل العيد باربع ايام ونداء الطوارئ يملأ الارجاء السجاد مغسول وما ادراك ما السجاد ، بالاضافة لتنظيف الشبابيك وغسيلها والحيطان وتنضيفها والارضية وتلميعها آل يعنى مفيش حملة نضافة تتعمل او حتتعمل فى خلال الست شهور الجايين ، ومع صيام يوم عرفة والحر وما ادراك ما الحر تنخفض نسبة السكريات فى الجسم وعلى آخر اليوم من تجهيز الاكل الفتة واللحم يكون الجهاز العصبى اشتغل والنرفزة علشان تفرش الشقة وتزينها بالورد ، يعدى الليل وكل شئ تمام الشقة على سنجة عشرة والست الهانم مش قادرة تقوم من مكانها ، ياماما قومى النهار طلع العيد وصل تقول لهم قدموا له الشاى ، يا ماما قومى علشان الضيوف تقول دا اخوى مش مشكلة هو مقدر اللى انا فيه هاتو حاجة ساقعة ، على آخر النهار تبدأ تفوق يكون الوم خلص تبص للشقة تلاقيها حلوة وكفاية عليها وكل عيد وكل ستات مصر طيبين
ليست هناك تعليقات:
إرسال تعليق